బట్ట తల వచ్చేసిందే బాలా – 4

ఏదో పాపారావు మీద జోకులు వేస్తున్నాం కానీ మా ముగ్గురి పరిస్థితి చాలా బ్యాడ్‌గానే ఉంది (జుత్తుకి సంబంధించింత వరకు). పాపారావులానే మేమందరం 30 ఏళ్ళ లోపు వాళ్ళమైనా, మా అందరి జుత్తు బాగా పల్చబడింది. దానికే రక రకాల హంగులు చేసుకుని ఉన్నదానికంటే ఎక్కువ జుత్తు చూపించాలని ప్రయత్నిస్తూ కష్ట పడుతూంటాం.

ఈ సందర్భంగా నేను బట్ట తల గురించి కొంచెం నా అభిప్రాయాలు చెప్పాలి. బట్ట తల అనేది భగవంతుడు మగాళ్ళకి ఇచ్చిన శాపం. జనరల్‌గా అందరు భగవంతుడు మగాడే అంటారు కాబట్టి, నా అనుమానమేంటంటే భగవంతుడికి ఒకానొక సందర్భంలో బట్టతల వచ్చి ఉంటుంది. దానితో వొళ్ళు మండి మగాళ్ళందరికీ ఎప్పుడో ఒకప్పుడు బట్ట తల రావాలి అని కొత్త రూల్ సృష్టించి ఉంటాడు.

ఏదో నలభై ఏళ్ళకు బట్ట తల వస్తే గుండె రాయి చేసుకుని సరిపెట్టుకోవచ్చు. కానీ ముప్పై ఏళ్ళ ముందే వస్తే అది రెండు నిమిషాలు లేచి నిలబడి మౌనం పాటించాల్సిన సందర్భం. అదే పెళ్లి కావడానికి ముందే వస్తే, ఛాతీ బాదుకుంటూ ఏడ్వాల్సినంత ట్రాజెడీ .

ఐతే నేను భగవంతుడిని ఇంతకంటే ఎక్కువ విమర్శించదలుచుకోలేదు. ఇందులో భక్తి కన్నా భయం ఎక్కువ. ఈ ఉన్న జుత్తు కూడా పీకేసి నన్ను పాపారావు గాడిలా తయారు చేస్తాడన్న భయం.

నాకన్నిటికంటే ఆశ్చర్యకరమైన విషయం ఏమిటంటే ఇప్పుడు జుత్తు ఉన్నవారు బట్ట తల ఉన్న వాళ్ళమీద జోకులు పేల్చడం. కొన్ని రోజుల్లో వాళ్ళకు కూడా ఊడుతుంది అన్న ప్రాథమిక జ్ఞానం లేకపోవడం. అప్పుడే నాకు యక్షుడు ధర్మరాజుని అడిగిన ప్రశ్న గుర్తుకొస్తుంది. “హే యుధిష్టరా, ఈ ప్రపంచంలో కెల్లా ఆశ్చర్యకరమైన విషయమేది?” దానికి ధర్మజుడి సమాధానం: “మనకు తెలిసినవాళ్ళందరూ మన ముందే చనిపోతున్నా మనం మాత్రం ఎల్ల కాలం బ్రతికి ఉంటామని విశ్వసించడమే.”

అదే నేనైతే, “మనకు తెలిసిన వాళ్ళందరికి మన ముందే బట్టతల వస్తున్నా మనకు మాత్రం తలపై జుత్తు ఎల్ల కాలం ఉంటుందనుకోవడమే,” అని సమాధానమిచ్చి ఉండే వాడిని.

కానీ భగవద్గీతలో శ్రీకృష్ణుడు చెప్పినట్టు బట్టతల గురించి బాధ పడుతూ కర్మలు ఆచరింపడం మాన రాదు. ఎందుకంటే ఇంకా నాకు పెళ్ళి కావల్సి ఉంది. అదయ్యేంతవరకు గుండె చిక్కబట్టుకుని ఈ సమస్యని పరిష్కరించే మార్గాలు వెతుకుతూనే ఉండాలి.

(ఇంకా ఉంది)

Advertisements
This entry was posted in బట్టతల. Bookmark the permalink.

6 Responses to బట్ట తల వచ్చేసిందే బాలా – 4

  1. పార్వతి says:

    అటు యక్ష ప్రశ్నల్లో జ్ఞానం + గీతా సారం ! భలే ! 😀 మురళి గారూ, మీ శైలికి జేజేలు !

  2. Wanderer says:

    మీ శైలికి జేజేలు, జోజోలు కూడా. జలసూత్రం రుక్మిణీనాథశాస్త్రిగారి వారసత్వం పుణికిపుచ్చుకుని, మరిన్ని పారడీలతో తేటగీతిని అలంకరించండి.

  3. Jyothi Reddy says:

    ఏదో నలభై ఏళ్ళకు బట్ట తల వస్తే గుండె రాయి చేసుకుని సరిపెట్టుకోవచ్చు. కానీ ముప్పై ఏళ్ళ ముందే వస్తే అది రెండు నిమిషాలు లేచి నిలబడి మౌనం పాటించాల్సిన సందర్భం. అదే పెళ్లి కావడానికి ముందే వస్తే, ఛాతీ బాదుకుంటూ ఏడ్వాల్సినంత ట్రాజెడీ .

    WOW Muraliji,

    Great humour andi. Waiting for 5th one.

  4. Nanda Kishore p says:

    super sir E kadalatho nanu me fan ayapoya sir…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s