మదర్ తెరీమా – 4


“శంకర్రావు గారు, ఇదేం బాగోలేదండి!” అన్నారు కేశవరావు గారు ఆయన పక్కనే కూర్చుంటూ.

“ఏమయ్యిందండి?” చదువుకుంటున్న పేపర్ నుంచి తలెత్తి చూశారు శంకర్రావు గారు.

“మదర్ తెరీమా చేసే ‘సేవ’ అలాంటిది ఎందుకో కారణాలు వివరిస్తానన్నారు. ఆ విషయం చెప్పి నెలయ్యింది. కానీ ఇంకా మీరు ఆ ఊసే ఎత్తలేదు,” నిష్టూరం ధ్వనించింది కేశవరావు గారి గొంతులో.

“అవును నాన్నా! ఆవిడ ఎప్పుడో సెయింట్ అయ్యి కూర్చుంది. ఇంకా ఈ డిస్కషన్ అవసరమంటావా?” అప్పుడే సీన్‌లో ఎంటర్ అయిన కుమార్ అన్నాడు.

“ఒరేయి, మనం స్వతంత్రులమై దాదాపు డెబ్భై ఏళ్ళు కావొస్తూంది. అలా అని అ విషయాన్ని గుర్తు చేసుకోవడం కానీ, ప్రతి ఏడాది ఒక పండగలా జరుపుకోవడం కానీ మానేశామా? ఇదీ అంతే!”

“కానీ ఇలాంటి విషయాలు మాలాంటి యంగ్‌స్టర్స్‌కి బోర్ నాన్నా!”

“అందుకే కదరా, నేనూ అంకుల్‌కి మాత్రమే చెప్తూంది. నీతో అయితే, ఏ హీరోయిన్ ఎవరితో తిరుగుతూందో, ఏ కులం వారి అధిపత్యం ఎలా పెరిగిపోతూందో లాంటి విషయాలే మాట్లాడే వాడిని. అన్నట్టు, బుజ్జి మామయ్య, వాడి ఫ్రెండ్స్ మనింటికి వచ్చారు కద! ఇంతకు ముందే మన జాతీయ క్రీడ, అదే, పేకాట మొదలు పెట్టారు. నువ్వూ వెళ్ళి ఆడు, పో!”

“ఆ విషయం ఇంత ఆలస్యంగానా చెప్పేది,” బాధపడుతూ వెంటనే అక్కడి నుంచ్ జంప్ అయి పోయాడు కుమార్.

“సరే, ఇక తెరీమా టాపిక్‌కి వద్దాం. దైవ పుత్రుడు పడిన కష్టము + ఆయనకి పేదలంటే ఉన్న అమితమైన ప్రేమ, ఇవి రెండూ, మదర్ తెరీమా సేవని నిర్దేశించాయి అని చెప్పాను కద! వారి మతం మొత్తం దైవ పుత్రుడు చేసిన త్యాగం మీదే ఆధార పడి ఉంది. ఆయన మనందరికోసం అనుభవించిన బాధ వర్ణనాతీతమైనది. కాబట్టి తాతలిక్కులు బాధకి ఎనలేని గౌరవం ఇస్తారు. బాధ అనేది ఎంతో అందమైనది అని వారి భావన. ఆ రకంగా విపరీతమైన బాధ పడుతున్న ఎవరైనా దైవ పుత్రుడికి ప్రీతి పాత్రమైన వారు అవుతారు అని వారి నమ్మకం. మదర్ తెరీమా కూడా సరిగ్గా అదే సిద్ధాంతం మీద బేస్ అయిన మనిషి,” మొదలు పెట్టారు శంకర్రావు గారు.

“ఐతే ఆవిడ చేసిన సేవ కూడా,” గొణిగారు కేశవరావు గారు.

“దానికి అనుకూలమైనదే! ఆవిడ కుష్టు రోగులకు కానీ ఇతరులకు కానీ కలిపించిన సదుపాయం, వాళ్ళు రోడ్ మీద దిక్కులేని చావు చావకుండా తమ గురించి పట్టించుకునే వారి మధ్య మరణించగలిగేలా చేయడమే.”

“అది తప్పేం కాదు కద?”

“కాదు. కానీ ఆమె అంతకంటే ముందుకి వెళ్ళడానికి చూడలేదు. వారిని బాధనుంచి రక్షించాలని ఆమె ఎప్పుడు ప్రయత్నించలేదు. ఇక్కడ తప్పు ఆమె కంటే, ఆమె modus operandi గురించి అర్థం చేసుకోకుండా ఆమెని ఒక దేవతా మూర్తిగా వర్ణించిన మన మీడియాది, రాజకీయ నాయకులది. ఆ ప్రచారం నమ్మి, ఆమెని ఒక దేవతలా భావించిన వారందరిది.”

( “There is something beautiful in seeing the poor accept their lot, to suffer it like Christ’s Passion. The world gains much from their suffering.” – Mother Theresa )

“కాని ఆమె ఈ సేవకి తన జీవితం అంకితం చేసింది!”

“ఎంతో మంది మాఫియా డాన్‌లు కూడా జీవితాంతం కఠోరంగా శ్రమించి తమ చీకటి సామ్రాజ్యాలను నిర్మిస్తారు. అంత మాత్రాన వారిని saints చేసేయ్యలేం కద!”

“మీరు మరీ దారుణంగా మాట్లాడుతున్నారు, శంకర్రావు గారు. మదర్ తెరీమా, మాఫియా డాన్‌లు ఒకటేనంటారా?”

“సారీ, మీకు నా పోలిక బాధ తెప్పించినట్టు ఉంది. కానీ ఒక సారి ఆలోచించండి. తను ఏదో బాధితులని రక్షించడానికి ప్రయత్నిస్తుందని నమ్మి, డబ్బులు విరాళంగా ఇచ్చిన వారినెవరిని ఆమె కాదన లేదు. తన ఉద్దేశం అది కాదని ఖండించలేదు. ఆ డబ్బులు తీసుకుని కామ్‌గా లూటికన్ కి transfer చేసింది. పైగా ఈ సేవ పేరుతో అవసాన దశలో ఉన్న వారిని ఆఖరి క్షణంలో మతం మార్చుకునేలా ప్రోత్సహించి (చాలా మంది సరిగ్గా అర్థం కాకుండా మార్చుకున్నారు కూడా!), వారి ఆత్మలు దైవ పుత్రుడి ఖాతలో వేసుకుంది కూడా.”

(Mother Teresa gloats about conversion of dying people)

“మీరు చెప్పేది నిజమా?”

“చనిపోయే వారందరికి, మదర్ సేవా సంస్థల్లో పని చేసేవారు, మీరు స్వర్గానికి వెళ్తారా అని అడిగే వారు. (ఇండైరెక్టుగా దైవ పుత్రుడిని మీ రక్షకుడిగా నమ్మండి, అప్పుడు స్వర్గానికి వెళ్తారు అని చెప్పడం వారి ఉద్దేశం.) చాలా మంది ఒప్పుకునే వారు. అప్పుడు ఒక తడి గుడ్డతో వారిని baptize చేసి వారి మతం మార్చేవారు.”

(Susan Shields, a former member of the Missionaries of Charity, writes that “Sisters were to ask each person in danger of death if he wanted a ‘ticket to heaven’. An affirmative reply was to mean consent to baptism. The sister was then to pretend that she was just cooling the patient’s head with a wet cloth, while in fact she was baptizing him, saying quietly the necessary words. Secrecy was important so that it would not come to be known that Mother Teresa’s sisters were baptizing Hindus and Muslims.”)

“తడి గుడ్డతో గొంతులు కోయడం అంటే ఇదేనన్న మాట,” తనకు తెలీకుండానే అనేశారు కేశవరావు గారు.

(ఇంకా ఉంది)

Advertisements
This entry was posted in అతుకుల బొంత. Bookmark the permalink.

One Response to మదర్ తెరీమా – 4

  1. paapa says:

    thanks for writing this.

    i know a youtuber( makes 2.5 million an year ) who’s campaigning selling “rafikis” ie bracelets made from worthless beads for $15 each claiming it’s for education for girls in kenya, sold 15k bracelets so far ! she also states education is free in kenya, but still lot of girls r not goin 2 skool, so please buy these so kenyan girls can go to skool. ???

    in the comments, a young girl writes i’m not buying text books 4 myself so i can send a kenyan girl 2 skool ? kids saddened their parents not giving them money for this “noble” cause !

    i’m not drifting, the poor help these kind of demons make money on their name ! so yes, its beautiful 4 MT to see the poor suffer , gets more money 4 her !

    https://www.facebook.com/notes/hemley-gonzalez/hemley-gonzalez-aroup-chatterjee-discuss-mother-teresa-christopher-hitchens-and-/722360817782353/

    proud that an indian, aroup chatterjee first exposed her through hitchens who claimed the work is his. i checked his youtube videos.

    http://www.nytimes.com/2016/08/27/world/asia/mother-teresa-critic.html
    http://aroupchatterjee.com/#

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s